Ishonch.uz | Rasmiy kanal
@ishonchuz_official
1 июлдан касаллик нафақаси бўйича янги тартиб жорий қилинди 2026 йил 1 ию…
1 июлдан касаллик нафақаси бўйича янги тартиб жорий қилинди 2026 йил 1 июлдан бошлаб вақтинча меҳнатга лаёқатсизлик (касаллик) нафақасини тайинлаш ва тўлашнинг янги механизми амал қилади. Янги тартибга кўра: 👇 ✅ 1. Молиялаштириш тизими янгиланади Касаллик варақасининг дастлабки 5 куни учун тўлов иш берувчи томонидан амалга оширилади. 6-кундан бошлаб эса нафақа Давлат ижтимоий суғурта жамғармаси маблағлари ҳисобидан тўланади. ✅ 2. Нафақа миқдори суғурта стажига боғланади Суғурта стажи 6 ойдан 8 йилгача бўлган ходимларга ўртача иш ҳақининг 60 фоизи миқдорида нафақа берилади. Стажи 8 йилдан ортиқ бўлганлар эса ўртача иш ҳақининг 80 фоизини олади. ✅ 3. Айрим тоифалар учун қўшимча имтиёзлар берилади I ва II гуруҳ ногиронлиги бўлган шахслар, тўрт ва ундан ортиқ фарзандни тарбиялаётган ота-оналар ҳамда ногиронлиги бўлган фарзанди бор фуқаролар учун нафақа миқдори белгиланган коэффициентга нисбатан 20 фоизга оширилади. ✅ 4. Тўловларни амалга ошириш муддатлари белгиланади Ойнинг 1–15-кунлари оралиғида тайинланган нафақалар шу ойнинг 25-санасигача тўлаб берилади. Агар нафақа 16-санадан кейин тайинланса, маблағ кейинги ойнинг 10-санасигача ўтказилади. ✅ 5. Тўлов муддати чекланади Касаллик нафақаси бир календарь йили давомида жами 182 кунгача тўланиши мумкин. ✅ 6. Ҳисоблашнинг энг юқори меъёри жорий этилади Нафақа ҳисоблашда ўртача иш ҳақининг меҳнатга ҳақ тўлашнинг энг кам миқдорининг 10 бараваридан ошмаган қисми ҳисобга олинади. ✅ 7. Барча жараёнлар электрон шаклга ўтказилади Нафақани тайинлаш ва тўлаш билан боғлиқ жараёнлар тўлиқ рақамлаштирилиб, электрон тизим орқали амалга оширилади. Расмий саҳифаларимиз 👇 Telegram / Facebook / Twitter / instagram / You tube
Fresh margeleT snapshot · Uzbekistan · Ishonch.uz | Rasmiy kanal · news / incidents · news. This page keeps context and source links for search engines and AI assistants.
